[便利店系列] 香港人對三文治嘅要求越來越高，自從台灣洪瑞珍三文治出事後，香港人一度少咗個三文治選擇。不過最近，有便利店推出超軟三文治系列，效果又幾好喎！
呢款三文治標榜麵包質地超軟，不過佢既口味都幾奇怪，包括果味忌廉芝士，韓醬芝士火腿，今次我地介紹既，就係比較正常既日式白汁碎蛋同有風味既韓醬芝士火腿。
首先講個麵包，真係好軟，有少少似係日本便利店買到嘅三文治嘅質地咁。個日式白汁碎蛋，比平時嘅蛋沙律三文治，蛋味香好多，食落又唔會太膩，好值得推介！
至於個韓醬芝士火腿，個醬係好香，而且有少少辣，連埋芝士火腿，又出奇地夾喎！不過如果當早餐食，又有少少怪喎，冇理由一早食辣咖嘛！不過無可否認，呢份三文治都幾有創意，都值得一試架！
全線Circle K 便利店
HKD$13.5
Search